السفسطة

حاولت أقرأ كتاب ، أو بمعنى أصح حاولت أفك طلاسم كتاب تلخيص السفسطة لابن رشد ، شدنى عنوان الكتاب قلت أقرأه لكن بمجرد بدء القراءة انتابتنى حالة هستيريا ضحك عشان مش فاهمة حاجة عن اى حاجة فى أى حاجة ، حاسة ان ابن رشد كتب كلمات جنب بعض منغير ميبقى فيه جملة مفيدة وساعتها افتكرت مقولة عادل إمام الشهيرة (أرجوك متسمحش لنفسك بتقييم الموقف بدون دراسه مسبقه والا هتخرج بمفهوم خاطيء ينعكس على رغبتك ابتداءا في تلويث الاخرين الامر اللي هيدفعني فى النهايه للدفاع عن صديقي بصرف النظر عن اي اعتبارات أسرية بعيدة عن أرض الواقع مأشربش الشاى أشرب أزوزة أنا )

طبعا ابن رشد من أهم الفلاسفة لكن مش معنى كده اننا منفهمش كتاباته ، امال كانوا بيكتبوا الكتب دى ليه ؟
مش عشان العالم يستفيد بيها برضه والا ايه ؟
ممكن يكون الكلام اللى مش مفهوم هو ده السفسطة ؟

الكتاب على اللينك دة للى يحب يأخد فكرة
http://www.4shared.com/file/83429046/a2a1bd90/talkhees-alsafsata.html

ملاك

متتخيلوش مسكة ايد طفل صغير بيبقى إحساسها جميل ازاى، تحس انك ماسك إيد ملاك
مع اننا محدش جرب يمسك ايد ملاك قبل كده عشان نعرف بتبقى ازاى

ياااااااااه أد ايه الأطفال دول حاجة جميلة أوى والغريب ان كل الناس قبل ميكبروا كانوا
أطفال ، طيب ليه بيتغيروا لما يكبروا ونلاقى بعضهم تحول من ملائكة وهم صغيرين
لشياطين لما يكبروا

فكرت لقيت ان لازم يكون الفرق ده موجود عشان نحس ببراءة الأطفال زى ملازم يكون فيه
خريف عشان نحس بجمال الربيع



متخدوش على كلامى اصل القلم ....... مجنون